แสนดีใจ๋ ส่งลูกเฮียน ขีดเขียนต่อ
หัวใจ๋ป้อ มันเอมอิ่ม ยิ้มน้ำต๋า
โอ้ลูกเอ๋ย มานะเพียร เฮียนต๋ำรา
นำฮู้มา สมัครงาน เพื่อบ้านเฮา
ครอบครัวเฮา เพียงลูกนี้ มีโอกาส
อย่าพลั้งพลาด ก้าวผิดตาง ต๋ามอย่างเขา
เงินกู่บาท คือหงาดเหงื่อ ป้อแลกเอา
ขอหื้อเจ้า จงฮู้ซึ้ง ถึงคุณมัน
แหมสามเดือน จดหมายมา ว่าป้อครับ
ลูกหมดทรัพย์ เป๋นก่าเทอม เพิ่มกวดขัน
ก่าสมุด แถมดินสอ ขอเจ็ดพัน
จะขยัน บ่หื้อไผ ได้อับอาย
พอจบมา ทำวางท่า ว่าหัวสูง
บ่เกี่ยวยุ่ง ทำงาน ก๋ารดังหมาย
สมดังกำ เขาว่า น่าเสียดาย
ต้องขายงัว ตัวสุดท้าย ส่งควายเฮียน
สาลพฤกษ์
15/02/2532
นิยามศัพท์
"งัว" ในที่นี้หมาายถึง วัว
"ป้อ" " พ่อ
"กู่บาท" " ทุกบาท
"หื้อ" " ให้
บทความโดย ภุมริน
